شنت قناة الزمالك هجوم عنيف على لاعبى الفريق الاول لكرة القدم بالنادى، بعد الهزيمة من شباب بلوزداد منذ قليل فى البطولة الافريقيه.
حيث طالب جميع محللى القناه بضرورة وجود وقفه مع اللاعبين، من قبل ادارة الزمالك، فى ظل ما يقدموه من مستويات سيئة فى الفتره الاخيره.
وأكد محللى القناه أنه وللامانه الفريق لم يقدم أى شيء يستحق عليه الفوز، صحيح ضربة الجزاء مش سليمه، لكن انت فين كلاعب نادى الزمالك .. أين استنفار اللاعبين بعد الهدف لتحقيق التعادل ومن بعده الفوز.
لقاء زى دا كان المفروض تصالح جمهورك، لان الجمهور بدا ينقلب عليك ومش هيرحمك ونفوق امتى احنا مش عارفين.
اوعى تفتكر ان التوفيق هيجي غير لما تجتهد، وانت بتلعب فى بطولة ونتائجك وحشه، ومع ذلك الجمهور وراك، واحنا معندناش غير الدعم.
وواصلت القناه عبر محلليلها : ماذا قدم لاعبى الزمالك، حتى يحلموا بالفوز، والمعدل البدنى للفريق فى النازل، وخايفين ومهزوزين مش عارف ليه.
انت اديت للاندية الأخرى ثقة عليك، هينزلوا طمعانين فيك بعد كدا، لازم اللاعيبه دى تقعد مع بعض وتشوف هى عايزه إيه.
