علق أمير مرتضى منصور المشرف العام على فريق الكره مطالبة عدد من جمهور الزمالك برحيله عن منصبه فى الجهاز الفنى.
وبسبب تراجع مستوى الفريق مؤخراً، طالب عدد من الجمهور برحيل أمير عن منصبه، وهو ما علق عليه امير فى تصريحات تلفزيونيه.
حيث أكد ان الجميع فى النادى تحت التقييم، ولكن عند إنتهاء الموسم أو عندما تنتهى ولاية المدير الفنى او المجلس الحالى، ساعتها يبقى فيه تقييم.
مش هنقيم بعد كل مباراة، او بين الشوطين، ومن السهل إن امشي انا او اللاعب أو المدير الفنى بس فى النهاية فى حاجة اسمها شجاعة المسئولية.
لما بيحصل هجوم على السوشيال ميديا بيبقى فيه جزء منه موجه، وفى جزء فعلاً بيبقى متضايقه فى ناس هدفها اغتيال اللاعبين معنوياً.
أتمنى من الجمهور يقيمنا ويحاسبنا فى نهاية الموسم، انا رصيدي مع النادى 7 بطولات، ونفسى أحط فيه بطولة افريقيا.
لازم الجمهور يبقى واعى واحنا مش هننجح من غير دعم الجمهور.
