علق الاعلامى خالد الغندور نجم الزمالك الاسبق، على قرار الاتحاد الدولى لكرة القدم بالامس بشأن قيد لاعبى الزمالك الجُدد.
حيث اكد الاتحاد الدولى أن هذا الامر هو أمر داخلى ولن يتم التدخل فيه، وبالتالى الامر الان فى يد إتحاد الكرة المصرى.
أكد خالد الغندور أن الازمة فى طريقها للحل بصورة نهائية، والمسألة مسألة وقت، ويوم الاحد القادم سيتسلم الزمالك كارنيهات اللاعبين.
رد الاتحاد الدولى انهارده معناه إن الزمالك مش موقوف قيده، وان لاعيبة الزمالك على السيستم، وكل الاندية مديونه ومع ذلك سجلت لاعبيها.
الزمالك له فلوس عند الفيفا ممكن يحجز عليها علشان يضمن حقه، وبعدين دا اتحاد الكرة نفسه مديون وكلنا لازم نراعى ظروف بعض.
الزمالك النادى الوحيد اللى محجوز عليه، نعمل ايه يعنى ، ايه الحل؟
لازم الاتحاد كان يراعى اللاعبين شوية، واذا كان فى خلاف بين رئيس الزمالك وبينكم الزمالك ملوش علاقة، واللاعيبه على السيستم، ولو مش على السيستم مكنوش هيتقيدوا، ويوم الاحد الامور هتنتهى.
وأكد أن فيريرا معجب جداً بناصر منسى وبلحاج، وهيكون لهم دور معاه فى المرحلة القادمة.
