أكد الاعلامى سيف زاهر، ان البرتغالى فيريرا المدير الفنى للفريق، أظهر " العين الحمراء" لكل اللاعبين فى الفترة الاخيره، وقبل مباراة الترجى التونسي.
هذه المباراة المقرر لها يوم السبت القادم، ضمن منافسات الجولة الثالثه من دور المجموعات من بطولة دورى أبطال أفريقيا.
سيف زاهر وعبر برنامجه التلفزيونى قال : الزمالك فى موقف صعب، وفيريرا بدأ "يشد" على اللاعبين ويتوعد المقصرين.
فيريرا قال للاعبين : اللى مش هيلعب بمستوى جيد مش هيكون له مكان فى الفرقه، وهيتم استبعاده فوراً من التشكيل.
لازم كل لاعب يقدم مستواه الحقيقى، المعروف عنه واللى قدمه السنه اللى فاتت وخدنا بيه بطولة الدورى وبطولة الكأس.
وواصل سيف زاهر : الجمهور مستنى مباراة الترجى يوم السبت، والفريق فى الوقت دا محتاج المسانده، وانا واثق ان جمهور الزمالك مش هيسيب فرقته.
