حرص الاعلامى سيف زاهر على توجيه رساله الى لاعبى الفريق الاول لكرة القدم بالنادى فى ظل النتائج السلبية التى يحققها لاعبى الزمالك.
هذه النتائج التى كان اخرها الهزيمة بالامس من الترجى التونسي فى الجولة الثاله من دور المجموعات، وهى الهزيمة التى جعلت فرصة الفريق فى الصعود للدور القادم صعبة.
سيف زاهر وعبر برنامجه التلفزيونى قال : مش عاوز اقول ان فيريرا فى حالة توهان عنده .. بس فى حاجة غلط عنده مش عارف ايه هى.
اتكلمنا كتير قبل كدا عن لاعيبه الزمالك وقولنا مفيش روح ولا حماس عندهم.. بس فى كل الاحوال احنا فى ضهر نادى الزمالك لحد ما يرجع للحالة الطبيعيه بتاعته.
فيريرا فى الملعب مش مركز ومش عارف يحط ايده على خطة ومفتاح الفريق، دى صحيح.. بس فين اللاعيبه؟ لاعيبة الزمالك .
انت لو مش عارف تتحمل ضغط جماهيرية نادى الزمالك .. يبقى متستحقش تأخد فلوس.. ولازم تعملوا حاجة.
احنا هندعمكم والجمهور هيدعمكم .. بس اثبت لى انك تستحق الدعم دا.. وياريت تعرفوا ان انتم لابسين تيشيرت نادى الزمالك ودا تيشيرت تقيل.
