علق الإعلامي عمرو أديب على تعادل النادى الاهلى بالامس، مع صن داونز الجنوب أفريقى فى بطولة دورى أبطال افريقيا.
عمروا أديب تحدث بسخرية حيث قال : الاهلى عنده استقرار وعنده فلوس، ومع ذلك فرصته مش قوية أوى فى الصعود، زيه زى الزمالك يعنى.
الزمالك عنده حاله من عدم الاستقرار الادارى، وعنده أزمات ماليه، لكن انت تتعادل ليه مع صن داونز .. دا انت عندك كابتن بيبو.
الاهلى الاول فى الدورى مش علشان الافضل، لا .. لانه مفيش حد قدامة كويس .. الزمالك زى ما انتم شايفين وباقى الفرق معندهاش شخصية البطل.
وبعدين يقولك الاهلى محتاج مهاجم .. ما تجيب مهاجم .. دا انت ما شاء الله يعنى فلوس جباره.
الاهلى فيه مدير فنى سويسرى ومحترفين، واستقرار والاداء باهت .. مش مقنع .. دا غير ان عندهم بيرسى تاو.
بيرسى تاو دا لغز غريب فى الاهلى.. ومتعرفش هو الاهلى مش بيعرف يختار لاعبيه ولا ايه.
