علق الاعلامى عمرو اديب على قرار حبس مرتضى منصور رئيس النادى تنفيذاً للحكم الصادر بحقه فى قضية سب وقذف محمود الخطيب.
عمرو اديب والذى كان بينه وبين مرتضى منصور مناوشات فى الفتره الاخيره، حرص على التعليق على هذا الامر عبر برنامجه التلفزيونى، حيث قال.
ناس كتير كامتنى وكانت متوقعه إنى هكون شمتان وفرحان، لكن انا لا .. انا كنت بقول لمرتضى فى وشه وانا من اكثر الناس اللى اتشتمت منه.
لكن انا مش هقدر اتكلم عليه دلوقتى ولا أشمت ولا ارد على شخص هو مش هيعرف يرد عليا، واللهم لا شماته.
بس فى كل الاحوال الناس كان قد اصابها اليأس، وان القانون لا يتم تنفيذه.. اللى حصل دا أثبت ان مفيش حد فى البلد على رأسه ريشه.
انا بس بطلب من المسئولين، نادى الزمالك مؤسسه كبيره لازم نقف جنبها لان الزمالك وضعه صعب اوى واللى بيحب وبيكره مرتضى دلوقتى .. دا مش وقته ..
لازم الدولة تقوم بدورها تجاه الزمالك اللى خسر كل حاجة السنة دى محلى وأفريقى.
