شن أحمد حسام ميدو هجوم عنيف على لاعبى الفريق الاول لكرة القدم بنادى الزمالك، بعد النتائج السلبية التى يحققها الفريق فى الفترة الاخيره.
حيث طالب من اللاعبين ان يكونوا على قدر المسئولية وان هذه المرحلة هى مرحلة اللاعبين، وأنهم لابد أن يكون عندهم "نخوة"، اللى مشفنهاش فى المباريات الاخيره.
بقولهم خليكوا رجالة والموضوع مش مدرب اللى ممكن يخليكم تلعبوا بالشكل دا وبالاداء دا.. دا لو عم رأفت اللى بيبيع ليمون بيدربكم المفروض تظهروا بشكل أحسن من كدا.
رسالتى للاعبين كفاية اعذار واهية أنتم ليكم جمهور بالملايين ومفيش اى مجال للهزار واللى بيحصل من اللاعبين دا ميصحش.
جمهور الزمالك يستحق منكم أحسن من كدا، ومينفعش اللاعيبه تطلع تقول أعذار والجمهور يستحق أنكم تقدموا له اكثر من كدا.
لازم اللاعبين يموتوا نفسهم علشان الجمهور، وشيكابالا لازم يكون له دور مع الفريق.
