شن الاعلامى خالد الغندور لاعب الزمالك الاسبق، هجوم على السوشيال ميديا الزملكاوية، بسبب واقعة الثنائى أحمد عبد المقصود وأسامة نبيه فى مباراة بيراميدز.
هذه اللقطة التى اعتبرها الكثير من جمهور الزمالك "مستفزه" نتيجة انهم كانوا يمزحون والفريق متعادل مع بيراميدز، ويقدم مستويات سيئه مؤخراً.
حيث شن الغندور هجوم على سوشيال ميديا الزمالكبسبب انتقادهم لهذه اللقطة، مؤكداً ان هذا لايصح.
وتابع : لاقيت كلام غريب بيقول الزمالك متعادل وهما بيضحكوا .. إزاى يضحكوا..افترضوا قاعد جنب زميلى وزميلى قال كلمة وانا ضحكت مثلاً.. فين الازمة؟
هو احنا فى ميت .. مش شايفها كارثه يعنى .. دا شيء عادى .. هما يعنى الجهاز الفنى للفريق مش عايز يكسب.
هو ليه السوشيال ميديا بقت هى اللى بتحركنا، شوية عيال صغيره بقت تحركنا، وتقول دا يضحك ودا ميضحكش.
زى اللى حصل مع نيمار قبل كدا واتقال بيشرب شاى، وهو طلع بيشرب فوار فيتامينات، وحتى لو بيشرب شاى هو عمل كارثة يعنى، يعنى هو بيشرب خمره مثلاً.
لكن السوشيال ميديا بقت تحركنا وكله يكسب دولارات بسبب البوستات واللايكات.. يا جماعة مينفعش.
