علق الاعلامى خالد الغندور على أزمة تسريب عقود لاعبى الفريق الأول لكرة القدم بالنادي في الفترة الأخيرة.
حيث عدد من اللاعبين تم تسريب عقودهم وهو أمر غير مقبول وغير مفهوم، ليعلق خالد الغندور على هذا الأمر عبر قناة الزمالك.
خالد الغندور قال : اللى بيعمل كدا اهبل، لأنه بيسرب العقود بعد الماتشات، واللى بيعمل كدا ممكن يكون صحفي عاوز يعمل سبق، فيقوم برشوة واحد عنده القدرة على تسريب هذه العقود.
طب اعمل كدا مع لاعب من الزمالك مرة، ولاعب من الأهلى مرة ولاعب من بيراميدز مره ولاعب من المصرى مره، علشان يبقى الموضوع على الكل.
وفى حاجة غريبة : انت بتعمل كدا مع مصطفى شلبى مثلاً، فالواد يتم تحطيمه نفسياً، والأداء يقل فى الملعب.. دا الهدف.
اللى بيعمل كدا واحد خد نسخ من العقود، من شخص معندوش ضمير، وعايز اعرف ليه بتعمل كدا.
يا اما انت مرتشى و معندكش ضمير، أو أنت شخص كاره للزمالك وللمستشار مرتضى، وكل هدفك هدم الزمالك.
الصور دي واضح جداً، أنها متاخده من على سيستم اتحاد الكرة، جودة الصورة مش شكل عقد، دة صورة من على شاشة.
