علق الاعلامى سيف زاهر على تصريحات البرتغالى فيريرا المدير الفنى للفريق بالأمس قبل ساعات من مباراة الزمالك والترجى اليوم.
هذه التصريحات التى قال فيها ان الزمالك سيقوم بعمل ريمونتادا فى الفترة القادمة، وأن الفريق سيظهر بشكل جديد.
سيف زاهر قال : أتحدث هنا بلسان محبى وعشاق الزمالك، جمهور الزمالك يشعر بأن البرتغالى لم يعد يمتلك شيء يقدمه للفريق.
الجمهور يشعر أن فيريرا مش قادر، وبقالنا ماتشات كتير مستنيين الريمونتادا دى، لكن خلاص واضح ان فى أزمات وهو مش قادر يحلها فى أوضة اللبس.
الزمالك فنياً بعيد عن مستواه وفى أزمة لازم نلاقى أسبابها علشان نعرف نعلاجها، لكن فيريرا تشعر وكأنه بيقول حاجات ملهاش علاقة بالموضوع.
لازم فيريرا يفكر كويس ويأخد القرار المناسب، وإن لاقى نفسه مش قادر على قيادة الفريق.. يبقى لازم يقدم استقالته.
