شن طارق يحيى نجم الزمالك الاسبق، هجوم عنيف على لاعبى الفريق الاول لكرة القدم بالنادى بعد هزيمة الزمالك اليوم.
هذه الهزيمة التى حدثت منذ قليل بثنائية نظيفه ضمن منافسات الاسبوع الـ 21 من عمر مسابقة الدورى العام.
طارق يحيي وعبر الاستوديو التحليلى لقناة الزمالك قال : الواحد حزين على الخسارة بالطبع، لكن حزين أكثر بسبب حالة الاستسلام اللى عند اللاعبين.
لاعيبة الزمالك بتخسر ومش بتحاول ترجع، وفى حالة استسلام ومفيش روح ولا حماس فى الملعب.
زمان لما كان يخش فينا جول، كنا بنحاول نعوض ونرجع، مش بنشوف الكلام دا فى حاجة غريبة وعجيبه بتحصل فى الفريق.
كل ما نفوز فى مباراة ونقول الحمد لله، ونبدا نزق الدنيا، اللاعيبه دى تقوم مرجعانا تانى للحالة الغريبة دى، وانا معرفش هنفضل كدا لحد امتى.
اللاعبين معندهمش نخوة ولازم يحسوا على دمهم شوية، والزمالك كان بيلاعب 2 لاعيبه من انبى بس كابو وعلي فوزي.
