علق أحمد عبد الحليم نجم الزمالك الاسبق على هزيمة الزمالك بالامس من فريق انبى بهدفين مقابل لا شيء ضمن منافسات الاسبوع الـ 21 من عمر مسابقة الدورى العام.
وعبر قناة الزمالك والاستوديو التحليلى للقناة أعرب احمد عبد الحليم عن حزنة الشديد على هذه الهزيمة، مؤكداً ان ما يحدث غير مقبول.
وتوجه أحمد عبد الحليم بطلب عاجل الى إدارة النادي قائلاً : لابد من وجود تغيير والكل دلوقتى عارف طريقة اللاعب واللاعيبة اللى بتعلعب ومفيش جديد.
اللاعيبة بتلعب وهى مقتنعه ان الدورى ضاع، ومفيش أى تجهيز للمباريات ولا اى تحضير ودا واضح جداً، وانا بقول الكلام دا وعندنا ماتش مهم بعد ايام مع شباب بلوزداد.
فى لاعيبه بتلعب بالكعب واحنا خسرانين، لازم وقفه ووضع حد للى بيحصل، وانا بقول الكلام دا وجمال عبد الحميد عضو مجلس الادارة قاعد جنبى.
