اعرب محمد أبو العلا لاعب الزمالك الاسبق، عن حزنه على نتائج الفريق السيئة فى الفتره الاخيره، وعلى اداء الفريق الابيض.
حيث أكد أن خساره الزمالك فى الفتره الاخيره لهذا الكم من المباريات هو مؤشر خطير بالنسبه للفريق، وانا حاسس ان الزمالك نازل وهو مش حاطط فى حساباته الدورى.
رتم الفريق ورتم اللاعبين، بيقول ان الفريق مش عايز ينافس على الدورى، مفيش ثنائيات ولا التحامات وكل الكرات لصالح إنبى.
هل اللاعبين مركزه فى افريقيا ومش بتفكر فى الدورى، دا باين والزمالك كان بيلعب انهارده بلا حلول.
الزمالك لعب فى الدورى ٢٠ مباراه خسر 5، ودا عدد كبير اوى، لازم الكل يراجع نفسه لان الوضع صعب وسيء.
واضح ان الزمالك مكنش محضر للقاء، ومعرفش يوقف الثنائى علي فوزي ورفيق كابو، دول مفتاح انبى.
الزمالك لو كسب ماتشات كان هيضغط على الاهلى، لكن واضح ان اللاعبين مش فى دماغهم الدورى.
