أوضح الاعلامى أحمد حسام ميدو، نجم الزمالك الاسبق تفاصيل الحاله الصحيه لمحمود عبد الرازق شيكابالا لاعب الفريق الاول لكرة القدم بالنادى.
شيكابالا الذى تدور حولة الاقاويل فى الايام الاخيره، بسبب حالته الصحيه، ليتحدث أحمد حسام ميدو عن هذا الامر.
ميدو وعبر برنامجه التلفزيونى قال : شيكابالا لما الفريق عاد من تونس بعد مباراة الترجى، شعر بتعب وباعراض تشبه أعراض كورونا.
لما عمل فحوصات، لقى زياده فى الالتهابات فى جسمه، وتحليل كورونا طلع سلبى ومن وقتها وهو مش بيخرج من البيت.
شيكابالا عمل تحاليل من ساعات والالتهابات قلت جداً، وهو عنده شعور انه بقى احسن، بس فى كل الاحوال هياخد وقته فى العوده.
انا تواصلت معاه منذ قليل وهو كويس، ودا اللى بنقله للجمهور وكل الاشاعات اللى انتشرت حوله مش صحيحه.
