علق الاعلامى خالد الغندور لاعب الزمالك الأسبق، على تعليق الاعلامى أحمد شوبير على تسريبات عقوبة محمود كهربا بسبب أحداث مباراة القمة.
حيث اللاعب قام بسب الزمالك وجمهور الزمالك عقب مباراة القمة الأخيرة، وهناك تسريبات أن لجنة الانضباط بالجبلاية عاقبت اللاعب بالإيقاف لمدة 8 مباريات.
احمد شوبير خرج عبر تصريحات تلفزيونية وقال أن اللاعب لن يتم ايقافه، الا بعد انتهاء كل درجات الطعن على هذه العقوبة، وهو ما حرص الغندور على التعليق عليه.
الأهلي يملك كل شيء، استقرار إداري وفلوس ومساندة بصورة مش طبيعية
لجنة الانضباط أصدرت عقوبة إيقاف كهربا وبيقولوا موجوده فى جواب، ومش عايزين يفتحوا الجواب، شوية وقالوا نستنى مباراة صن داونز، وشوية وقالوا نستنى بعد مباراة القطن، هو فى ايه يا جماعه.
لكن مع الزمالك أوقف عاشور وأوقف شيكابالا بالـ 10 مباريات وبالـ 8 مباريات ومعقول احد الاعلاميين يطلع على قناة عامة ويقول اللاعب مش هيتوقف الا بعد ما الاهلى يخلص كل درجات الطعن، ويوصلها للمحكمة الرياضية.
وتابع : يا جماعه دا واحد قل ادبة بالصوت وبالصورة، واتحاد الكرة بتاعنا خايف يفتح الجواب ويعلن عن العقوبة، وبيسألوا احنا مستوانا فى الكوره ضايع ليه.
طول ماانت بتخاف من الاهلى وخايف على الكرسى، يبقى خلال هنفضل مكانا ومش هنتقدم خطوة.
