إنفجر طارق يحيى لاعب الزمالك الاسبق، ومقدم الاستوديو التحليلى لقناة الزمالك فى وجه لاعبى الفريق الاول لكرة القدم بالنادى وفى وجه البرتغالى فيريرا المدير الفنى للفريق.
جاء هذا عقب الخروج الافريقى للفريق منذ قليل بعد الهزيمة من شباب بلوزداد بهدفين مقاب لا شيء ضمن منافسات الجولة الخامسه.
طارق يحيي اعتبر أن هذا الموسم للنسيان، مؤكداً ان المدرب عقيم ولا فكر ولا خطة ولا تكتيك فى الملعب.
وعن اللاعبين قال لانخوة ولا روح عند اللاعبين وحالة استسلام واحنا عملنا من فرق بلا إسم ابطال ودا لايمكن يكون الزمالك أبداً.
تشكيلات غريبه وتغييرات غريبه وأداء غريب ولاعيبه مش حاسه بتيشيرت الزمالك، وبيتوفر لها كل حاجة على حساب مدربين فى النادى وموظفين.
وواصل : ايه القرف اللى بنشوفه دا، دى لايمكن تكون لاعيبة الزمالك، رايحين ماتش مهم ولم نذهب للجول الا فى كورة الجزيرى اللى بالصدفه.
لازم قرار من الادارة بسرعه لاننا روحنا فى حته صعبة، ولازم عقاب للاعبين دول .. إخصم منهم.
