دافع الاعلامي عماد دربالة عن ظهوره في برنامج الاعلامي شريف جمعة عبر قناة الحدث اليوم بالرغم من ميوله الأهلاوية الشديدة.
عماد دربالة وفي رسالة له الى جمهور الزمالك بالتحديد بسبب الظهور الاعلامي الدائم مؤخرا مع شريف جمعة تحدث قائلا:
الى كل الزمالكاويه والاهلاويه.اولا كل سنه وانتوا طيبين ويارب يكون شهر سعيد عليكم جميعا.
بستقبل كل يوم كمية تجريح مش طبيعيه من حضراتكم وتقطيع واتهامات بالكذب والنفاق لظهورى فى برنامج تخاطيف مع شريف.ركزوا فى كلامى ربنا يعزكم
وتابع: اولا شريف منتهى الجدعنه والاحترام وابن اصول وواقف معايا فى ظروف صعبه جدا فى وقت كل الناس خذلتنى خصوصا المنظومه الزمالكاويه
البرنامج محترم واشهد الله ان شريف جمعه والكباتن هادى خشبه وعمرو الحديدى من افضل الناس اللى عاملتهم فى حياتى والموضوع مالوش علاقه بأهلى وزمالك دول ولاد اصول وجدعان وبحبهم واقدرهم جدا وهم كمان بيعاملونى بالمثل
واستكمل: ثالثا وده الاهم انى ظهرت مع الاستاذ شريف بترشيح من مسؤل زمالكاوى كبير وبعلم وموافقة رئيس النادى المستشار مرتضى منصور لانى ضمن المنظومه الاعلاميه لنادى الزمالك ولابد من موافقة النادى على ظهورى
رابعا انا بتشرف بكونى الممثل الوحيد للزمالك فى البرنامج وسط نجوم كبار كنت بشوفهم فى التليفزيون ولم اقصر ابدا فى الدفاع عن حقوق الزمالك ولو قولت كلمه طيبه فى حق الكيان الاهلاوى بتكون كلمة حق يحاسبنى عليها ربنا بهدف اكتشاف مشاكلنا وحلها والنهوض بالكيان الزمالكاوى
واختتم: اخيرا بفكركم ان ده شغلى ومصدر رزقى وانى لسبب غير معلوم ممنوع من الظهور فى قناة الزمالك وتخاطيف مع شريف برنامج صاحب فضل عليا ويجب احترامه علما بان البرنامج بفضل الله محقق مشاهدات عاليه جدا وعامل مردود ايجابى فى الوسط الرياضى والاعلامى واتشرف انى احد اضلاع هذا النجاح.
ارجوكم بلاش تجريح واتهامات بالتطبيل والنفاق وتقاضى اموال.يعلم الله ان كلها اتهامات باطله.كل سنه وانتوا طيبين تانى
زمالكاوى للابد
