علق أحمد حسام ميدو نجم الزمالك الأسبق على لقطة ظهور أحد الاشخاص الغير معروفين بجوار محمد صلاح نجم مصر ونادى ليفربول الإنجليزى فى مباراة منتخب مصر الاخيره.
هذه المباراة التى أقيمت منذ أيام ضمن الجولة الثالثة من تصفيات امم افريقيا التى تنظمها كوت ديفوار وانتهت بفوز مصر بثنائية نظيفة.
وظهر بعد اللقاء أحد الأشخاص يقف بجوار محمد صلاح، لينتقد ميدو هذا المشهد مؤكداً انها نقطة فى منتهى الخطوره.
زمان كلنا وجهنا لوم لمحمد صلاح وللمسئولين بسبب وجود حراس شخصيين مع صلاح، بس اللى شوفناه بعد مباراة مالاوي غير مقبول.
الراجل فضل واقف جنب صلاح حوالى 20 ثانية ولازم نعرف مين دا ودخل ازاى لحد الملعب.. وافترض ان الراجل كان معاه سكينه مثلاً.
لو حصل لصلاح حاجة بالمنظر دا شكلنا هيبقى ايه قدام العالم كله، وصلاح نجم عالمى مش لاعب قليل وانا بأكد لكم الراجل دا مكنش موجود فى المدرجات يبقى دخل ازاى.
لازم نأخد بالنا من الامور دى يا جماعه كويس ونأخد حذرنا لان المنظر مكنش مقبول.
