انتقد أحمد عيد عبد الملك نجم الزمالك السابق حالة التراجع الأخيرة للمنظومة الرياضية المصرية على كل المستويات.
أحمد عيد عبد الملك وخلال حسابه على موقع التواصل الاجتماعي فيس بوك تحدث قائلا:
في اي مجال وخصوصاً كمان مجال الكرة مهما كان عندك امكانيات وبتقدم نجاحات كلاعب او مدرب وماشي لوحدك محدش بيسندك هتتاخر كتير وممكن تجيلك بدري بس دي بتبقي بالصدفة او بيبقي ناس شايفة مصلحة المكان اللي بيختروله اهم من الاشخاص ودول مش كتير ..
و تابع: المهم بقي انت لو معاك حاشية ماشية وراك وحواليك وبيعملولك بروبجندا إعلامية ويسوقوك بالكلام بس وينفخو فيك وعلاقاتك مع اطراف المنظومة تبقي كويسة حتي لو مبتقدمش نجاحات هتفضل تشتغل وتلف الدايرة علي مجموعة معينة من سنين وهنفضل كدة لسنين جاية حتي في ظل فشل البعض كأن اللاعب او المدرب موظف بيمشي من هنا يروح هنا وهكذا رغم الفشل في كتير من الاوقات .
و اختتم: تصريحاته قائلا : كمان اللاعيبة والمدربين في كل الدرجات مفيش فروقات كبيرة بينهم والله .. وده سبب من اسباب تأخر المنظومة والله .
