علق الإعلامي عمرو أديب على ما يحدث للزمالك فى الفتره الاخيره، على كافة المستويات الفنية والادارية والتى اثرت على حالة الفريق الاول لكرة القدم ونتائجه.
هذا التدهور للفريق والذى كانت نتائجه الخسارة بالامس من فريق البنك الاهلى بثلاثية نظيفه فى بطولة كأس الرابطة، وودع الابيض البطولة.
عمرو أديب وعبر برنامجه التلفزيوني منذ قليل قال : الزمالك لعب 17 مباراة في 2023 ، خسر فى 10 مباريات والفريق بقى خرابة.
اللى يدخل مرماه 3 اهداف فى 7 دقايق ذى اللى حصل امبارح، دا كلام مش مقبول ودا رقم قياسى جديد للزمالك.
الزمالك كل يوم فى النازل، فريق بلا مدرب دلوقتى بيدربه عبد المقصود وبكره عبد المعبود ومش معقول اللى بيحصل دا، دا احنا تانى اكبر فريق فى مصر.
اللى بيحصل للزمالك دا شيء مهين وشيء بايخ وعايز اعرف ليه الزمالك بيتعمل فيه كدا، وبيتهان كدا وليه الدولة واقفه تتفرج دا النادى بتاع الدولة والفلوس فلوس الدولة.
يا جماعة الاهلى مش منور اوى وحالته كويسه، لكن الزمالك هو اللى بيتدهو مستواه واللاعبين متكسرين نفسياً مش بدنياً.
