شن الاعلامى ابراهيم فايق هجوم على الاتحاد المصرى لكرة القدم، ومسئوليه بسبب أزمة تقنية الفيديو فى الفترة الاخيره.
ومنذ يومين ونحن فى الدورى المصرى نلعب المباريات فى بطولة الدورى بدون تقنية الفيديو، بسبب الفشل الادارى لاتحاد الكرة، وهو فشل معتاد الحقيقه.
حيث هناك أزمة بين الجبلاية وبين الشركة المكلفه بتنفيذ تقنية الفيديو هنا فى مصر، ولهذا الشركة لم ترسل أى معدات للمباريات فى الفتره الاخيره.
ابراهيم فايق انتقد الوضع مشيراً الى لقطة مثيره للجدل في مباراة الإتحاد وغزل المحله، وهل إحدى الكرات تخطت الخط ام لم تتخطى، قائلاً والناس غرقانه مش عارفه تعمل ايه.
الناس يمكن مش واخده بالها علشان بس علشان رمضان والمسلسلات، ومشهد مباراة الاتحاد والمحلة اللى هما فرق كبيره، مكنش هيعدى لو كان ماتش للزمالك او الاهلى.
وواصل ابراهيم فايق : عايز اعرف اتحاد الكرة مستنى ايه لما تحصل كارثة فى ماتش اهلى او زمالك او فريق يهبط.
وتحدث بسخرية : انجازات اتحاد الكرة بقت كتير أوى .. والجبلاية حاولت تربط الموضوع بالرابطة، والرابطة قالت احنا دافعين كل الفلوس.
