علق حسام حسن المدير الفنى للنادى المصرى على فوز فريقة منذ قليل على الزمالك بثلاثية مقابل هدفين فى بطولة الدورى العام المصرى.
حيث أكد انه سعيد بالفوز، وهو فوز صعب بالنسبة للظروف التى يمر بها فريقه، من غيابات كثيره، الا انه عمل على تعويض هذه الغيابات.
وواصل : عملنا بشكل جيد طوال الفترة الماضية، وهدف الزمالك الاول أربك كل الحسابات ومن بعده لهدف الثانى.
أمر صعب ان تكون خسران بهدفين، وتنجح فى العوده مع فريق مثل الزمالك، ولو سؤء التوفيق كانت النتيجة ستزيد، لاننا أضعنا فرص.
مش عايز اتكلم عن التحكيم، انا ليا ضربتين جزاء وطرد للاعب الزمالك، وكلامى فى النقطة دى كلام عابر بسرعة.
احنا بنمر بظروف صعبة من بداية الموسم والدور التانى صعب على الكل، وكان لازم نبعد عن الحتة اللى تحت ونبقى فى المنطقة الامنه.
الفترة الجايه جريندو هيبقى أفضل، وحتى أمس لم يكن جاهز للمباراة والجهاز الفنى للمصرى "شايل شيله مش بتاعته" والحمد لله على كل شيء.
