علق الناقد الرياضى خالد طلعت على الموقف الحالى الخاص بنادى بيراميدز، والذى يسعى لـ تحقيق أول له فى الفتره القادمة.
خالد طلعت اشار فى حديثه الى 4 بطولات خلال أسابيع قليله قد يحصل عليهم بيراميدز، ويدخل التاريخ .. تاريخ البطولات.
وعبر صفحته الشخصية على موقع التواصل الاجتماعى فيس بوك كتب خالد طلعت قائلاً :
الكام أسبوع الجايين دول هيكونوا حاسمين في تاريخ نادي بيراميدز .. يا اما يكون نادي كبير ونادي بطولات ويستمر وينافس الأهلي والزمالك لسنين طويلة .. يا اما ينهار ويبقى نادي عادي من أندية الوسط زيه زي أندية كتيرة تانية.
بيراميدز عنده فرصه مش صعبة يحصل على 4 بطولات في كام شهر ، بطولتين محليتين وبطولتين أفريقيتين ويبقى نجاح ساحق، وممكن يخسر البطولات كلها ويستمر بدون أي بطولة ويبقى فشل ذريع.
بيراميدز هيلاعب الأهلي في نهائي كأس مصر يوم الاثنين المقبل ، ولو كسب هيلاعب الزمالك في كاس السوبر المصري يوم 5 مايو في الامارات.
بيراميدز كمان طريقه سهل جدا في كأس الكونفيدرالية وكل الفرق الموجودة في المتناول ، وطبعا لو كسب البطولة هيلعب كمان كاس السوبر الأفريقي.
تفتكروا بيراميدز ممكن يكسب كام بطولة من الـ4 بطولات دول ؟؟
