تعجب الكاتب الصحفي خالد طلعت من تصريحات منسوبة الى مذيع في قناة النادي الأهلي ضد رمضان صبحي لاعب بيراميدز.
المذيع تحدث بشكل سئ ضد رمضان صبحي بسبب تركه النادي الأهلي في فترات سابقة.
خالد طلعت عبر حسابه على موقع التواصل الاجتماعي فيس بوك تحدث قائلا:
تخيلوا ان ده بوست نازل من مذيع في قناة النادي الأهلي الرسمية ، وناس أهلاوية كتير بتحبه ومتابعه وبتثق في رأيه وكلامه !!!
وتابع: واحد بيقول ان هجرس طلع أصيل عشان بعد ما ساب المزاريطة وراح فريق منافس تعمد انه يجيب جول في نفسه وخسر فريقه الحالي عشان يكسب فريقه القديم ، وان لاعبي الأهلي اللي بيسيبوه وبيروحوا فرق تانية معندهمش أصل زي هجرس عشان بيلعبوا بشرف وبيحاولوا يكسبوا فرقهم ومبيجيبوش جول في نفسهم !!!!
يعني لو سعد سمير مثلا جاب جول في نفسه مع فيوتشر قدام الأهلي يبقى أصيل ولو معملش كده ولعب بشرف يبقى معندوش أصل !!
وواصل: تخيلوا لما تكون دي عقلية مذيع في قناة الاهلي الرسمية ونرجع نسأل جمهور الأهلي بيتعصب ليه وبيشتم شيكابالا ليه ؟؟!!!
واستكمل: للأسف الأهلاوية عندهم أي لاعب يسيب نادي متربي فيه ويروح الأهلي عشان جاله عرض مادي أكبر يبقى لاعب عظيم وأسطورة زي رضا عبد العال ونادر السيد وطارق السعيد ومحمد صديق ومؤمن زكريا وكهربا وعماد النحاس وسيد معوض وبركات وأبو تريكه وعبد الله السعيد (في الأول) وأحمد فتحي (في الأول) وعلي معلول وعمرو السولية ومحمود متولي ومروان عطيه وكتير قوي
واختتم: والعكس بقى أي لاعب يسيب الأهلي ويروح نادي تاني عشان جاتله فرصة أحسن (حتى لو هو مش من ابناء الأهلي) يبقى خاين وعميل ومادي وبتاع فلوس ومعندوش انتماء ولا عنده أصل زي حسام حسن وابراهيم حسن وعصام الحضري وشريف اكرامي وعبد الله السعيد ورمضان صبحي وأحمد فتحي وناس تانية كتيرة
