شن الاعلامى مدحت شلبى هجوم عنيف على لاعب الاهلى الحالى ولاعب الزمالك السابق الهارب محمود عبد المنعم كهربا.
هذا الهجوم بسبب ما فعله اللاعب من تصرفات فى مباراة القمة الاخيره بين القطبين، والتى تم ايقافه بسببها 12 مباراة، والذى تم ايقاف العقوبة بسبب استئناف اللاعب عليها.
مدحت شلبى وعبر برنامجه التلفزيونى قال : يا كهربا ماتش كورا وخلص، ليه تروح ناحية الجمهور وتقعد تهتف وتجيب لنفسك ولناديك المشاكل.
كفاياك مشاكل يا كهربا احنا عمرنا ما شوفنا حد فى اوروبا راح بعد اى مباراة وسط الجمهور وقعد يهتف، يا جماعه دا مانشيستر يونايتد خسر 7 ومحصلش حاجة من اى لاعب.
دور ياابنى على حل مشكلتك، وقولى استفدت ايه لما عملت كدا، ولا النادى الاهلى استفاد ايه.
كان نفسى الاهلى هو اللى يبدا ويعاقب اللاعب قبل لجنة الانضباط، ولازم كهربا يراجع نفسه فى الفتره الجايه.
