حالة من الجدل بعد عدة أقاويل قيلت بالامس عن أن لاعب من نادى الزمالك وقع لصفوف نادى بيراميدز تمهيداً للانتقال اليه بداية من الموسم القادم.
حيث عدد من الاعلاميين الزملكاوية وغير الزملكاوية تحدثوا عن هذا الامر، وسط ردود افعال متباينه عن هذا الامر.
ولنا هنا فى الزمالك اليوم رأى فى هذه النقطة وبدون اى عواطف : الزمالك وبس.
بمعنى ومن الاخر .. مبقاش فى حد غالى .. مبقاش فى حد مهم .. مبقاش فى عزيز الا لزمالك... المهم دلوقتى الزمالك وبس.
خلاص اللى عايز يمشى يمشى واللى عايز يغادر يغادر، محدش اهم من الزمالك .. والباب يفوت جملين مش جمل واحد.
فى الاساس لا أحد فى الفريق أصبح مهم سوى 3 او 4 لاعبين دا بالكتير والنتائج خير دليل، فاللى عايز يمشى يمشى.
لازم الزمالك ياجماعه يعمل مبادئ لنفسه، إن مفيش لاعب اقوى ولا اهم من الكيان، لازم نظام نمشى عليه لسنوات قادمة.. مبادئ وقيم للنادى دا.
فمعلش تانى : اللى مش عايز الزمالك وشايف انه أكبر من الزمالك مع السلامة.
