علق الناقد الرياضى خالد طلعت على الاقاويل التى تتحدث عن احتماليه انسحاب الزمالك من بطولة السوبر المصرى.
حيث هناك أنباء تتداول عن أن الزمالك سيصدر قرار بالانسحاب من بطولة السوبر يوم 5 مايو، بسبب الظلم الذى يتعرض له الزمالك فى عدة ملفات وكان اخرها قرار ايقاف عقوبة كهربا.
وعبر صفحته الشخصية على موقع التواصل الاجتماعى فيس بوك كتب خالد طلعت قائلاً :
الزمالك لو انسحب من السوبر هيكون أسوأ قرار اخدته ادارة النادي :
أولا : النادي غالبا هيتعرض لعقوبات منها غرامات مادية كبيرة واحتمال بمنع من لعب كاس السوبر أكتر من موسم
ثانيا وده الأهم : حتى لو مفيش عقوبات الزمالك هيفقد أخر أمل في تحقيق بطولة في الموسم الحالي وحفظ ماء الوجه ، وكمان هتكون بطولة من الأهلي ودي ليها مذاق خاص
الزمالك الموسم ده خسر الدوري وكاس مصر وكاس السوبر في اول الموسم ودوري أبطال أفريقيا وكاس سوبر لوسيل وكاس الرابطة يعني خسر 6 بطولات في 6 شهور.
ولو انسحب من السوبر هيبقى خسر سابع وأخر بطولة لأن كاس مصر الجديد مش هيكمل الموسم الحالي، وطبعا لسه الزمالك كمان هيخسر البطولة العربية لأن الفرق اللي فيها مستواها أقوى من الزمالك
