انتقد أحمد عبد الحليم نجم الزمالك الاسبق، الاتحاد المصرى لكرة القدم بسبب ملف عقوبة محمود عبد المنعم كهربا.
هذه العقوبة التى صدرت بحقه لـ 12 مباراة بسبب ما بدر منه تجاه نادى الزمالك وجمهور الزمالك بعد مباراة القمة الاخيره فى بطولة الدورى العام، وتم الاستئناف عليها وايقافها.
أحمد عبد الحليم وبعد سؤاله عن رايه فى الامر قال بلهجة ساخره : هو دا بس اللى المفروض نعترض عليه، فى قرارات كتير مثيره للجدل بتخرج من الجبلاية.
انت بتقبل اوضاع ظالمه غصب عنك، ودا مش جديد على الزمالك، دايماً بيحصل معانا كدا.
ايه اللى المفروض يحصل للزمالك اكثر من كدا علشان ياخد حقة، دورى وخسرناه، وافريقيا وطلعنا منها، ايه المطلوب تانى.
دا فى نقطة تانية .. كهربا غلط وهرب وفى عقوبات ضده من الفيفا ومع ذلك بيلعب والناس مبسوطة، خلاص خليه يلعب.
اما قصة تاجيل نظر الاستئناف لما بعد لقاء السوبر امام الاهلى، فدى مش المرة الاولى والا الاخيره اللى هيتظلم فيها الزمالك.
