شن الاعلامى خالد الغندور المذيع بقناة النادى الرسميه هجوم عنيف على الاتحاد المصرى لكرة القدم ولجنة التظلمات برئاسة المستشار عادل الشوربجى.
جاء هذا بسبب ايقاف عقوبة كهربا التى صدرت بحقه من لجنة الانضباط وهى الايقاف لـ 12 مباراة، وايقاف تنفيذها وعدم النظر فى استئناف الهارب، الا بعد مباراة السوبر يوم 5مايو القادم.
خالد الغندور اكد ان ادارة النادى لن تترك حق النادى فى هذا الملف، وهناك إجتماع هام جداً يوم الأحد وسيتم الاعلان عن ما اذا كان الزمالك سيشارك فى السوبر ام لا.
وواصل : مرتضى منصور اعلن انه لن يذهب للإمارات، بسبب القرار رغم انه استانف على القرار، لان الاستئناف لا يوقف العقوبة.
الاهلى هدد بالانسحاب من المباراة لو اللاعب اتوقف، وكابتن شوبير اللى ابنه فى الاهلى وله علاقات كتير أكد ان الاستئناف سيتم نظره بعد مباراة القمة.
لما امام عاشور اتوقف قبل كدا طلع الاهلى وطلب تغليظ العقوبة وقال عقوبة غير رادعه، ومشوفناش دا من نادى القيم والمبادئ، بالعكس هددوا بالانسحاب بفرد العضلات.
عمر ما حصل ان الاستئناف أوقف تنفيذ العقوبة، وكلنا مع فكرة الانسحاب، علشان العدالة اللى مش بتتحقق.
بالمناسبة الزمالك مش ةخايف من كربا هو زيه زى أى لاعب، هو مش ميسى ولا رونالدو، لكن احنا بندور على العداله، والزمالك مش هيسيب حقه والاهلى مش على رأسه ريشه.
