أكد أحمد حسام ميدو نجم نادي الزمالك الاسبق، أن مجلس ادارة النادى لن يترك حق النادى وسيدافع عن النادى ومصالحه فى المرحلة القادمة.
الزمالك بيتى، ولازم اكون واقف بجواره فى أى ازمة، وبعد اللى حصل كان لازم اكون أول واحد يدعم النادى ويسانده.
فى ناس مصدومة دلوقتى من مشهد تكاتف الناس حول النادى، الزمالك كان عايز يلعب الماتش وكان فى احساس إننا هنلعب، لكن لازم توفر شروط اللعب دى واللى أهمها العدل.
لجنة التظلمات بالاتحاد المصرى ضربت بكل القوانين عرض الحائط، بعد قرارها بتأجيل نظر طعن ايقاف كهربا، بسبب القضية المرفوعه من الاهلى للطعن فى شرعية لجنة الانضباط.
كان لازم يكون للزمالك ومجلس اداراته وأولاده موقف قوى، والاعتذار عن خوض اللقاء كان اول خطوة فى إثبات حق النادى.
بطمن الجمهور الزمالك مش هيسيب حقة، ودى كانت البداية، ولو هيوصل الموضوع للمريخ، مش هنسيب حقنا، والزمالك عايز حقه بس.
مكنش عندى شك ان مرتضى منصور هيأخد قرار يحفظ بيه كرامة النادى، بعد اللى حصل من لجنة التظلمات واللى عدى كل الحدود.
وأتم ميدو : الزمالك تواصل مع محاميه الايطالى، لرفع قضية وانا تواصلت مع المحامية الخاصة بى فى انجلترا وهى متخصصه فى هذا النو ع من القضايا كى تتضامن مع محامي الزمالك، واتعابها الشخصية على نفقتى الخاصة.
