طالب أحمد دويدار لاعب الزمالك السابق، برحيل الكولومبي خوان كارلوس أوسوريو المدير الفنى لنادى الزمالك.
حيث أكد أن هذا الامر أصبح ضرورى، وهذا واضح جداً فالرجل لا يشرك اللاعبين فى مراكزهم، ازاى حسام عبد المجيد فى وسط الملعب يلعب ديفندر.
هو قال انه عمل كدا بسبب سيرجى أكا لاعب الاسماعيلى، ازاى أبوظ الفريق علشان لاعب واحد فى الاسماعيلى مع كامل الاحترام له يعنى.
انا الزمالك المفروض أحط الخطة، والاندية المنافسة تحاول توقف خطورة لاعيبة الفريق الابيض، وياريت كان مدحت عبد الهادى استمر مدير فنى.
خوان كارلوس سمك لبن تمر هندى، وفى لاعب قالى انهم مش فاهمين خطة الراجل، ومش عارفين ينفذوها.. مش فاهمين دماغه.
ويبقى السؤال وهذا لكم جمهورنا الحبيب : هل نستطيع بالفعل تحميل الكولومبى مسئولية اللى بيحصل للفريق؟ ولا الراجل مظلوم ودى القماشة الموجوده والظروف اللى عايشينها غير انه لسه جاى .. شارك برأيك.
