علق الاعلامى سيف زاهر على الوضع الحالى فى نادى الزمالك خلال الفترة سواء على المستوى الفنى أو المستوى الإداري.
سيف زاهر وعبر برنامجه التلفزيونى قال : الناس كلها مترقبة اللى هيحصل فى الزمالك، وأنا على المستوى الشخصى معنديش حاجة اقولها او معلومة مؤكدة.
ومحدش عارف الدنيا رايحه على فين فى الزمالك، وفعلاً محدش عندة معلومة، ايه الوضع فى الزمالك على المستوى الإداري.
بالنسبة لجمهور الزمالك أصبح منقسم بينه وبين نفسه، لدرجة انا سمعت البعض من جمهور الزمالك، بيعلق على إصابة الونش وبيقول سلامتك يا ونش وترجع فى ظروف تكون أفضل من دى شوية.
مش هقدر أدوس على اللاعيبة دى خلاص هما كدا كدا معندهمش حاجة تانى يقدموها، والزمالك محتاج عدد من الصفقات فى الموسم الجديد.
سيف زاهر أكد أن جمهور الزمالك يعيش حالة من الترقب في انتظار للموقف الادارى للفريق، اللى محدش عارف الدنيا رايحة فين.
