فى تصريحات جديدة من أسامة نبيه حول ملف نجلة يوسف أسامة نبيه والذى تدور حولة الاقاويل فى الساعات الاخيرة.
اللاعب الذى ينتهى تعاقده مع النادى بنهاية الموسم الحالى، ولم يتم تجديد التعاقد معه وسط أخبار مؤكده عن توقيعه لنادى بيراميدز.
أبدى أسامة نبية غضبة من قرار المدير الفنى بأن يتدرب يوسف أسامة نبية بمفرده معتبراً ان هذا قرار غير احترافى.
وواصل : البعض من زملائى السابقين وهم فى نفس موقفى فى "اشارة بالطبع الى فاروق جعفر" يحاول أن يزايد على موقفى، ويتحدث عن ان خير الزمالك علينا.
طبعاً خير الزمالك علينا، لكن انا اتكلم مع مين، الزمالك قدم عرض وبعدها المجلس استقال، نعمل ايه، والكل نقل على لسانى ان اللاعب وقع لبيراميدز.
محدش عنده تأكيد بكدا، انا قولت فى عرض من بيراميدز، واللى بيحصل دا شغل مش احتراف، لازم أستفيد باللاعب لاخر دقيقة.
لو المدير الفنى مش عارف انا مين لازم اللى حواليه يعرفوه، واللاعب غالباً هيتدرب بمفرده لنهاية الموسم، ولو المدير الفنى مش عايزه يكتب ورقة بكدا.
بقول تانى احنا موجودين ولو النادى عنده رغبة فى التفاوض أهلا وسهلاً بس هنتكلم مع مين، والمدير الفنى الاجنبى ميعرفش حاجات كتير هنا ، مين وصله كلام مش حقيقى.
لازم حد يقوله الاتحاد الدولى يرفض تجميد أي لاعب أو أن يتدرب بمفرده، وفى أمور كتير عليها علامات استفهام ومش عايز أظلم حد.
