علق المهندس خالد عبدالعزيز وزير الشباب والرياضة السابق على تصريح سابق له بأن التقارير الامنية تؤكد سلامة الموقف الامنى عندما يفوز النادى الاهلى.
هذا التصريح الذى سبب حالة من الجدل وقتها عندما قال مصر بتنام مبسوطة لما الاهلى بيفوز، فى تصريح ما كان يجب وقتها أن يخرج من مسئول.
خالد عبد العزيز علق على هذا الامر عبر تصريحات تلفزيونيه له وأكد : فى 2013 كانت الاوضاع غير مستقرة، لدرجة ان الاهلى والزمالك كانوا بيلعبوا فى الجونة.
لما قولت كدا لان الفترة دى التقارير الامنية كانت بتقول كدا، الناس بتبقى مبسوطة فى الشارع لما الاهلى بيكسب او بيلعب كويس، والبعض زود حتة بتاعة مصر بتنام مبسوطة، وانا مقولتش الجملة دى.
كان فى عناصر من التراس الاهلى بتخرج للشوارع لما الاهلى يخسر، ودا كان من الناحية الامنية بيسبب حالة من القلق، لكن الاهلى لما بيكسب كانت الامور بتبقى هادية وكان الغرض.
ممكن فى التوقيت دا معرفتش أعبر كويس، بس عايز اقول حاجة وقت ما قولت كدا الموسم اللى بعده الزمالك فاز بالدورى والكأس، وفاز على الاهلى.
