حاول المحلل الرياضي محمد داوود تحليل فكر المدرب الكولومبي خوان كارلوس أوسوريو المدير الفني للفريق الأول لكرة القدم بنادي الزمالك.
وكتب محمد داوود عبر حسابه على موقع التواصل الاجتماعي فيس بوك قائلا :
ده نقاش "فلسفي" مش "برجماتي" يعني مش بيناقش ماتش ولا بطولة لكن بيناقش النظرة العامة .. الزمالك جايب مدرب صاحب فلسفة مش مدرب عملي، بمعنى إن عنده رؤية للكورة بيحاول يقدمها، مش بينزل يتكيف مع الواقع الموجود.
وتابع: ممكن 99% من لاعبي الزمالك ميصلحوش لتطبيق فلسفة اوسوريو وهنا قدامك حل من الأتنين، مكنتش تتعاقد مع اوسوريو من الأول، وتروح تجيب أي مدرب مؤدي.
وواصل كاشفا الحل التاني وهو، تسيب المدرب يطبق فلسفته، عشان يكتشف إن 99% من اللاعيبة متصلحش تطبقها، فيتعاقد مع لاعيبة تطبق فلسفلته؛ لإن الكورة بتمشي كده، جوارديولا نفسه مع السيتي عمل كده.
واختتم: هنا مش بناقش فلسفة اوسوريو نفسها صح أو غلط، هل مناسبة أو مش مناسبة، هل هتنجح من عدمه، لكني بناقش المبدأ، متطلبش السمنة من ورك النملة.
