علق أحمد الاحمر نجم الفريق الاول لكرة اليد بنادى الزمالك على فوز الزمالك بالامس ببطولة كأس الكؤؤس الافريقية.
هذه البطولة التى جاءت على حساب الاهلى وفى ملعب الاهلى، ليتوج الزمالك بطلاً لها.
وعبر صفحته الشخصية على موقع التواصل الاجتماعى أنستجرام كتب احمد الاحمر قائلاً :
الحمدلله علي الفوز ببطوله ابطال الكؤوس، بطوله من اصعب البطولات في تاريخ النادي في ظل الظروف الصعبه اللي بتواجهنا.
الفريق كله كانوا متكاتفين لاخر وقت وظهرت معادنهم بجد وفعلا رجاله وفي ضهر بعض ومتأثروش بكلام اللجان الرخيصه اللي بتحاول تهدم الفريق بكل الاشكال.
بشكر جمهورنا العظيم اللي بيدعمنا وواقف في ضهرنا في الازمات قبل الانتصارات واللي كان بجد سبب رئيسي في مكسبنا امبارح والي هيفضل رقم 1 في تاريخ النادي.
وأتم : وبشكر النادي الاهلي علي حسن الاستضافه والمعامله طيله ايام البطوله.
