إنتقد الاعلامى سيف زاهر ثنائى الفريق الاول لكرة القدم بالنادى أحمد سيد زيزو لاعب الفريق الاول لكرة القدم ومحمد صبحى حارس المرمى.
سيف زاهر وعبر برنامجه التلفزيونى، علق على مستوى الثنائى فى مباراة الامس امام الداخلية والتى انتهت بالتعادل الايجابى بهدف لكل فريق.
بالنسبة لمحمد صبحى أكد انه وفى لعبة ركلة جزاء الداخلية كان خارج يعطى لاعب الداخلية ركلة الجزاء ببلاش، ودا واضح جداً.
وواصل : ايه الدخلة دى يا صبحى واضح جداً أنه مش مركز، انت كنت بتطلع والكورة بتخبط فى إيدك بالصدفة.
وبالنسبة لـ أحمد سيد زيزو : مفيش أى منطق يقول أنه يروح يشوط ركلات جزاء وهو مش موفق فى الفترة الاخيرة، ومفيش حاجة تقول إن زيزو لازم يشوط كل مرة.
كان لازم حد تانى يشوط، لكن انت كدا حطيت ضغط كبير على نفسك فى الفترة القادمة، خاصة انك ضيعت فى الفترة الاخيرة 4 ركلات من 7، ودا رقم كبير.
كان لازم المدير الفنى يبلغه أنه رقم 3 أو 4، فى تسديد ركلات الجزاء، ودا علشان تحافظ عليه.
