انتقد الاعلامى سيف زاهر لاعبى الفريق الاول لكرة القدم بالنادى، مقارناً بينهم وبين سيدات الطائرة بالنادى الذين حصدوا بطولة إفريقيا بالامس.
واعرب سيف زاهر عن حزنة لما يقدمة الفريق من مستويات ضعيف، مؤكداً أن الزمالك نادى كبير، ولا يصح أن يظهر بهذا المظهر.
فى ناس بتقول الصفقات وأمير مرتضى ومرتضى منصور نفسة، القصة دى مش مقنعة بالنسبة لى، احنا كنا بنسقف للصفقات دى لما تم التعاقد معها.
مش بعد كل مباراة هنقعد نقول أمير ومرتضى السبب، هما عملوا اللى عليهم وجابوا لاعيبة، لكن الاداء مش مظبوط فى حاجة غلط.
ومحدش يقولى مفيش فلوس واللى بيقول كدا هسأله سؤال : انت راضى عن نفسك كدا؟ دا انت لو يتعلب خماسي مش هتكون عايز تخسر ولا هتكون بالشكل دا.
الفلوس كدا كدا جايه، العبوا علشان الجمهور وبصوا لفريق البنات فى الطائرة اللى حقق بطولة افريقيا، دول يتقال عليهم ايه.
انا متابع الفريق البنات بتضحك وهى بتلعب .. وحوش فى الملعب والف مبروك ليهم، وبيتعاملوا بكل قوة لانهم بيلعبوا باسم الزمالك.
عندهم نفس المشاكل اللى عندك فى فريق الكرة، لكن دول لعبوا وجابوا بطولة، ولاعيبة القدم لا.. ولازم اللاعيبة دى تقف مع نفسها ويعرفوا انهم مقصرين.
