علق جمال عبدالحميد عضو مجلس إدارة نادي الزمالك على ملف قيد نادى الزمالك للاعبية الجدد قبل البطولة العربية.
حيث طالب جمال عبد الحميد وعبر شاشة قناة الزمالك الرسمية، اتحاد الكرة المصرى بضرورة فتح باب القيد بشكل استثنائي للزمالك.
جمال عبد الحميد رد على تصريحات عامر حسين والذى قال فيها أن القيد سيتم فتحه فى الاول من أغسطس، وبالتالى لن يستطيع الزمالك قيد صفقاته الجديدة قبل البطولة العربية التى ستنطلق فى منتصف يوليو.
جمال عبد الحميد وجه رساله الى عامر حسين، هو انت مش عارف ان الزمالك هيعمل صفقات قبل البطولة العربية، دا انتم سجلتوا قبل كدا لاعبين للاهلى الساعة 5 الفجر.
الزمالك رايح البطولة العربية ممثل عن مصر، وانت جاى تقولى القيد هيفتح فى الاول من أغسطس، وعيب الزمالك بيمثل مصر.
ياريت ترجع فى القرار دا وفى التصريحات دى، ازاى بطولة مهمة زى دى وتطلع بالتصريح دا اللى بيزعل جمهور الزمالك.
انت أجلت مباريات للأهلي علشان بيشارك بطولة افريقيا، وقدمت له كل حاجة علشان بيشارك فى افريقيا، وبالمناسبة البطولة العربية أقوى من بطولة افريقيا، لان جوائزها 4 مليون دولار و2 مليون دولار للمركز الثاني.
مش عارف نشتكى لمين لاتحاد الكورة اللى أصلاً متفق مع الاهلى انه لا يوقف كهربا قبل السوبر.
