فى اول تعليق منه على قرار حبسه بالامس فى قضية جديدة من سلسلة قضايا منصور - الخطيب .. الخطيب - منصور.
حيث صدر بالامس حكم بحبس مرتضى منصور لمدة 3 أشهر فى قضية سب وقذف محمود الخطيب رئيس النادى الاهلى.
منصور وعبر تصريحات له قال : مش عايز اتكلم عن أحكام القضاء، لكن مواد القانون اللى بتحاكم بناءً عليها وصدر بها الحكم ضدى 3 أشهر، مفيهاش حبس من الاساس.
القانون بيقول غرامة بس، وفى القضية دى بالذات انا حصلت على براءة من قبل، بس انا لن أعلق على أحكام القضاء، والقاضى هو من سيحاسب وحده فى قبره على هذا الحكم.
بطمن كل الجمهور على مرتضى منصور، فى اسباب لحبسي، والأهلي قام برفع الدعوي دى ضدي بعد ان انسحب الزمالك من بطولة السوبر.
كمان لما قولت انى قمت بتقديم شكوي إلي الفيفا بكل اللى حصل في أزمة السوبر، وبرضة الموضوع سياسي لانى اعلنت عن مؤتمر صحفى يوم السبت خاص بالسياسة.
واتم منصور : دائماً جايه فى ذهنى مقولة عدلى القيعى، البطولات بيتم حسمها خارج الملعب.
