حالة من التذمر تسيطر على لاعبى فريق الكرة بالزمالك؛ لعدم صرف مستحقاتهم المُتأخرة, رغم النتائج المُتميز للأبيض فى الموسم الحالى.
واجمع اللاعبين على ضرورة حل الأزمة فى أسرع وقت, قبل بدء الدورة الرباعية لتحديد بطل الدورى, وخوض منافسات دور الـ8 ببطولة أفريقيا.
وقال فتح الله "إحنا داخلين على ماتشات مهمة فى الدورى وأفريقيا,
عندنا حاجات كتير ممكن تشتتنا, لكن إحنا بنفصل بين الملعب والمستحقات, بس
إحنا عندنا مشاكل والتزامات, أتمنى مشاكل اللاعيبة تتحل بأقصى سرعة".
وشدد عمر جابر على أن اللاعبين يبذلون كل مافى وسعهم من أجل إسعاد الجماهير البيضاء بحصد بطولة هذا الموسم.
واكتفى إبراهيم صلاح بقوله "إحنا مبناخدش حاجة وبنعمل كل اللى علينا, أتمنى الفرقة دى يتحافظ عليها وإن شاء الله يكون لينا دور السنة دى بإذن الله".
ونفى محمد إبراهيم حصول اللاعبين على أى مستحقات, مُضيفًا " قالوا إننا خدنا 6% بس حتى لو خدنا إيه 6%؟ إحنا فاصلين بين التمرين والماتشات, وأما يرضوا علينا ويدونا مستحقاتنا مفيش مشكلة ".
