علق الاعلامى مدحت شلبى على قرار رابطة الاندية المصرية بالموافقة على طلب الاهلى بتأجيل مباراته أمام طلائع الجيش.
مباراة الاهلى وطلائع الجيش والتي كانت مقررة يوم 19 فبراير الحالي، كون الاهلى مرتبط بمباراتين في دوري أبطال أفريقيا، طلب الاهلى تأجيلها ووافقت رابطة الاندية.
مدحت شلبى تحدث فى تعليقه على الامر، قائلاً الست عواطف تتححكم فى الكرة المصرية، ودا سبب التراجع اللى احنا فيه.
وواصل : انا بتكلم هنا بغض النظر عن اهلى وزمالك، انت عمال تأجل ماتشات والموسم مش بينتهى فى موعده، وبالتالى اللاعبين مش بتأخد راحة كافية، وكمان فرص خروجهم لدوريات كبيرة للاحتراف بسبب مواعيد القيد بقت صعبة.
اللى بيحصل دا نتيجة سياسات خاطئه والست عواطف موجوده علشان ترضى الكبار فقط، وإنت فتحت فتحه على نفسك وأدى النتيجة تأجيل وراء تأجيل.
الجديد وعلى عهدة مدحت شلبى ان النادى الاهلى يطلب تأجيل مباراته مع نادى بيراميدز، وطالما وافقت مرة، هتوافق على طول.
