وجه المستشار محمد عطية عضو اللجنة السابقةى التى كانت تدير نادى الزمالك رساله الى الجميع قبل أيام من مباراة الزمالك ودريمز.
الزمالك على موعد مع مباراة العودة امام دريمز يوم الاحد القادم، ليوجه محمد عطية رساله الى الجميع بشأن هذه المباراة.
وعبر صفحته الشخصية على موقع التواصل الاجتماعى إكس كتب المستشار محمد عطية قائلاً :
الحقيقة إن فى حاجات كتير تتقال وأخطاء كتير .. حالياً الزمالك الكيان محتاج كل لحظة تركيز وشغل .. باقى خمسة أيام على أهم وأصعب لقاءات الزمالك فى الموسم .. خمس أيام محتاجين كلنا نكون واحد نكون زمالك ..
كل حاجة مختلفين عليها أو حوليها ممكن نحتفظ بيها لبعد المباراة .. المعامل الصحيح الناجح الوحيد فى معادلة الزمالك هو جمهوره .. رهان الزمالك الرابح دايماً هو احنا .. خمسة أيام نقف فيهم صف واحد ورا الكيان وبعبارة قديمة ولكن خالدة "يجب أن نكون مُتحدين أكثر من أى وقت مضى" ..
الزمالك دايماً بينا قادر يحقق المستحيل مش مجرد الصعب .. ويفرض منطقه ويحقق انجازه
