شن حسين لبيب رئيس النادى هجوم على وسائل الإعلام بسبب محاولة عرقلة مسيرة الفريق الأول لكرة القدم بالنادى عن طريق أخبار كاذبة.
وعبر تصريحات له قال : أحد الإعلاميين معرفش اسمه ايه، طلع عمل إحصائية عن نتائج الزمالك لما شيكابالا بـ يلعب، ونتائج الزمالك لما شيكابالا مش بيلعب.
عايز اعرف يعنى ايه المقصود بالاحصائية دى، عايز توضح ايه للناس، وايه الهدف انك تقول الزمالك فاز فى كذا مباراة فى غياب شيكابالا عن الفريق.
ايه اللى يخلى الشخص دا يعمل احصائية زى دى ملهاش معنى، الا لو عايز تكسر اللاعب وتكسر الفريق لما بقى في احساس ان الزمالك ماشى كويس.
شيكابالا هو الكابتن التاريخى لنادى الزمالك، وهو قدوة للاعبين و زملكاوى صميم وأصيل، إزاى أقوم عامل احصائية ليه لوحده، عايز اعرف اشمعنى.
رسالتي للإعلاميين لازم كل كل اعلامى يكون حريص على كل كلمة بيقولها، ولازم وقفة جادة وجامدة للكلام دا.
