علق رضا عبد العال لاعب القطبين الاسبق على تصريحات حسام حسن المدير الفنى للمنتخب عقب مباراة غينيا بياو بالامس والتى انتهت بالتعادل الايجابى بهدف لكل فريق.
حسام حسن وضمن تصريحاته قال أن هناك البعض يتعمد التشكيك فى منتخب مصر تحت قيادتى، ليتحدث رضا عبد العال بانه يقصده هو شخصياً.
رضا عبد العال بكلمات قوية قال : لا إحنا مش بنشكك في المنتخب، إحنا بنشكك فيك انت، وفى اختيار القائمة، لان فيها مجاملات كتير.
انا بقولك كفاية مجاملات، جامل نفسك انت ومتجاملش حد تانى، ومفيش مصرى مش عايز المنتخب يكسب ويفوز، أو انه يفشل.
وواصل : خلينا ساكتين بقي، احنا كنا متوقعين ان بعد اللى عمله امام عاشور، انه هيبقى فيه عقوبة عليه، لكن انت مشيتها مجاملات.
تخيل كدا لو اللى عمل كدا لاعب من الزمالك، أو من أى نادى تانى شوف كنت هنتعمل ايه، وايه اللى كان هيحصل معاه.
