طالب الزمالك اليوم مذن أيام بان يتعاقد مع نادى الزمالك وأن يشترى ساعتين يومياً من البث فى عدد من القنوات الكبيرة للدفاع عن حقوق الزمالك.
وبكل أسف قناة الزمالك لا تمثل قضايا النادى، ولا تتحدث بإسم النادى، وهى قناة تعمل بشكل روتينى ولهذا فقدت مشاهديها ومتابعيها.
وبكل أسف المتحدث الرسمى لنادى الزمالك وله كل التقدير والاحترام، لا يدافع عن قضايا الزمالك بالصورة المطلوبة، لذا طلبنا هذه البرامج للدفاع عن النادى.
وعلشان ...
علشان لما يطلع اعلان استفزازى لفيلم هايف نعرف نرد، بقوة.
علشان نفكر الكل مين اللى على مجلس الاهلى عصابة، يا أحمد يا أحمد.
علشان نفكر لاعبين سابقين بيحتفلوا بفيلم هايف أنهم كانوا فى الزمالك لحد كام شهر، ونجيب فيديوهات لهم، وهو بيشتموا الاهلى ورموزه، وواحد تانى بيقول زملكاوى من صغرى، لفضح كدبهم.
علشان لما عضو اسمه محمد عبد الوهاب يطلع يقول كنا بنعمل كبارى علشان نفرغ الزمالك من لاعيبته، نطلع نرد ويبقى فيديو يومى فى البرامج وفى قناة الزمالك.
علشان مهيب عبد الهادى لما يطلع من شوية يقول فى عرض لجوميز من السعودية، ودا كلام مش حقيقى نطلع نوضح ونرد بقوة.
علشان لما واحد بـ "توكه" يطلع يسخر من لاعيبة الزمالك ومن نادى الزمالك نرد عليه.
علشان لما مسئولى اتحاد الكرة الفاشل يطلعوا يقولوا أى كلام فى أى كلام نطلع نرد عليه ونوضح انهم مش بيقولوا الحقيقة.
علشان نطالب بالعداله لنادى الزمالك لما يظلموا لاعب زى عبد الله السعيد فى عدم منحه حقه فى لقب أفضل لاعب فى المباراة، نطلع نرد.
علشان صحفى اهبل امبارح طالع يقول محمد شحاته فى الاهلى نطلع نرد عليه.
علشان نرد على كل الكذب اللى بيتقال عن الزمالك.
الرد يكون بالعقل وبالمنطق وبقوة وبمعلومة، لان المسالة مش فوضى فى الحماس، لا .. الموضوع يحتكم للحق والدفاع عن الحق، حتى لو المجلس عايز يصدر معلومة أو يفتح قضية بعيد عن المجلس بصورة رسمية تكون الامور سهلة.
