انتقد احمد عيد عبد الملك لاعب الزمالك الاسبق، والمدير الفنى لنادى غزل المحلة حال الكرة المصرية الصعب، فى ظل فشل الاتحاد الحالى فى ادارة الكرة المصرية.
وعبر صفحته الشخصية على موقع التواصل الاجتماعى فيس بوك كتب احمد عيد عبد الملك قائلاً :
عن نفسي كمدير فني صاعد مع فريق للدوري الممتاز قاعد يتفرج علي الساحة الرياضية ومفيش خريطة محطوطة لاي حاجة جاية ولا لنهاية الدوري الحالي او بداية الدوري الجديد ولا عارف تتكلم علي صفقات مع لاعيبة الدوري الي لسة مخلصوش علشان تتعاقد معاهم ولا عارف تحط بداية فترة الاعداد بالظبط امتي وهتفضل لحد امتي تعمل الاعداد ده واحنا مخلصين دوري من اول اسبوع لشهر مايو هنستني ٥ شهور مثلاً علشان نلعب رسمي !!
الصراحة الجو العام ميساعدش اي حد يعرف يشتغل وينجح بقالنا ٤ سنين في نفس المشاكل نفسي الدوري علي الاقل يرجع لحقبة بداية الالفية الجديد ملاعب كامل العدد ومواعيد متظبطة وفرق جماهيرية موجودة في الدوري تضيف حلاوة وقوة واثارة للدوري ..
انا عمال احلم بس هنعمل ايه ما باليد حيلة والكرة حالياً بقت وسيلة لحاجات كتير اووي الاغلب بيستخدمها غلط ..
منظومة محتاجة وقفات كتيرة وكبيرة ومحدش بيتحرك مستنين الحل من عنده وربنا يسترها عالقادم !!
