علق الكاتب الصحفي منتصر الرفاعي على حلقة الأمس والظهور التلفزيوني اللاعب أحمد السيد زيزو لاعب الزمالك.
وذلك من خلال حلقة الإعلامي إبراهيم فايق عبر قناة "ام بي سي مصر" 2
منتصر الرفاعي وعبر حسابه على موقع التواصل الاجتماعي فيسبوك تحدث قائلا:
بعد حلقته الرائعة مع إبراهيم فايق اللى كل مرة بيطلع فيها بيؤكد أنه مش حريف بس داخل الملعب وأنه لاعب محترف بمعنى الكلمة .. زيزو عارف بيقول إيه و مش محتاج يأخد (لقطة ) بقصف جبهة المنافس أو التقليل من لاعب آخر جمهوره شايفه (سوبر هيرو) مع أنه من شهور قبل ما يلعب عنده كان بيقول عليه (تربية شوارع ) ومسميه (إيمان ) وغنى فى المدرجات مش عاوزينه ولما صدرت التعليمات واللجان أو اللى بيحركوها اتراضوا حولوه لأسطورة وصفقة القرن مع أن الحكم على التجربة لسه بدري أووى عليه ..
وتابع: زيزو كسر تابوهات النجوم الورق والأساطير الوهمية مش بحلقته وكلامه مع إبراهيم فايق .. لا بأرقامه واهدافه واسهامته اللى خلته على أبواب الاساطير فى الزمالك والدوري المصري .. السؤال بقى لجماهير الأهلى اللى بتشككك فى زيزو لو كان بيلعب عندكم كنتم هتقولوا عليه ايه .. خد نفس وابلع ريقك وتخيل الحلم اللى عمره ما هيتحقق ؟!
