تحدث محمد عبد المنصف حارس ومدرب حراس مرمى الزمالك الأسبق، عن عمر الساعى لاعب نادى الاسماعيلى.
اللاعب الذي ارتبط اسمه بالانتقال الى القطبين فى وقت من الاوقات، الا انه حتى الان الاخبار تُشير الى اقترابه من النادى الاهلى.
محمد عبد المنصف تحدث عن اللاعب وقال : اللاعب مشروع لاعب كبير، وكان نفسى بصراحة يجى الزمالك.
رسالتى للادارة أنه لاعب كبير جداً، لكن للاسف محدش اتحرك لضم اللاعب، كله كلام من بعيد لبعيد، وكان نفسى الزمالك ياخد خطوة للتعاقد مع اللاعب لأنه لاعب مميز.
عمر الساعى طلعناه لما كنا شغالين فى الاسماعيلى مع ميدو، وكان واضح جداً انه خامة مميزة، ولعب معانا وقتها وكان له دور مؤثر مع الفريق.
الاخبار بتقول انه قرب يخلص فى الاهلى، وانا كان نفسي الزمالك يتعاقد معاه لانه كان هيكون مفيد جداً مع الأعمار السنية فى الزمالك، لانك كنت تقدر تبنى عليه.
